I QUATTRO NOVISSIMI
Spiriti forti, che avè superà
A forza de studiar la sugezion
Ne la qual sol tegnir la Religion
4Con vera tiranìa l’umanità;
Za che vu n’avè istruto e iluminà,
Che sia una solenissima invenzion
Sto Giudizio, sto Cielo, sto Pluton,
8E una chimera pur sta Eternità;
Za che sti tre Novissimi più fede
No i ga presso de vu, nè i ga altra sorte
11Che presso dei c...... che ghe crede,
Mi no ve stimo de una testa forte
S’anca per favoloso no se vede
14El Novissimo quarto de la Morte.
