PER L'APERTURA DELLE SCUOLE A' GESUITI
Che bela cosa nel quondam Gesù,
Dove che ancuo s’à fato l’apertura
Dei Studj da la gran Magistratura
4De le Man-morte per la zoventù!
A le porte soldai per far star su,
Deputazion in publica figura,
Professori che in pondere et mensura
8I pol esser oto onze o poco più.
Messa a Capela con Pontifical,
Prolusion che no s’à capìo un stranuo,
11Un rinfresco, cussì, nè ben nè mal.
Ghe xe chi vol che tuto vaga in bruo,
E che sta aspetativa universal
14E la scomenza e la finissa ancuo.
