Pagina:Collezione delle migliori opere scritte in dialetto veneziano 10.djvu/20

Da Wikisource
Sta pagina la xe stà trascrita e rileta.
SU GLI SPIRITI FORTI


Miracoli!... eh le xe cogionarìe,
     Eh ste cosse in natura no se dà;
     El mondo adesso è tropo iluminà
     4Per cavarse dai ochi ste scarpìe;

Le xe imposture, le xe birbarìe
     De Preti e Frati che s’à imaginà,
     Per guadagnar sora ste falsità,
     8Le Aneme, i Santi, i Cristi e le Marie;

Basta ben che credèmo in quel de sora,
     E anca qua ghe sarìa da dubitar
     11Perchè no gh’è chi l’abia visto ancora.

Questo (se mi no falo) xe el pensar
     De sti Spiriti Forti; e po’ in malora
     14I zura quelo che no i pol provar;
                              Perchè i vol sostentar
     L’onor de so mugier e de so mare,
     17Incerti de i so fioli e de so pare.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_10.djvu/20&oldid=65971"