sullo squallore di venezia
Al Lustrissimo Sior..... con un Vascelo,
Una volta diseva la mansion;
Adesso: A so Zelenza co un Ceston
4E un per de Caponere in t’un batelo.
Con manco scienza, ma con più cervelo
Alora, oh se pareva assae più bon!
Gera i palazzi le so abitazion,
8Le xe adesso casete da bordelo.
Tuti i mercanti gera in Marzarìa;
Da lane, d’ori, arzenti, merli e sede
11La Cità tuta rica e ben fornìa;
Ancuo ste cosse più no le se vede,
È vero; ma la testa xe guarìa
14Da tuti i pregiudizj de la Fede.
Adesso solerrata corrige originale se crede,
Dai copi in suso, per Russò e Volter;
17Dai copi in zo, per tanti che à da aver.
