Qua Nana pianzendo
Se morsega i dei,
Se strazza i cavei,
La va in convulsion:
E Toni colpio
Da tuto sto impianto,
Se calma a quel pianto
E resta... un minchion.
― Go visto, el diseva,
L'è cossa de fato:
E pur el so stato
No falo pietà?
Ah! sento che ancora
Vôi ben a culia!..
Se la gelosia
M'avesse inganà?
Chi sa? l'aparenza
No merita fede:
Scaldai se travede,
E uno par do.
E po la mia Nana
No xela qua spanta
Per mi tuta quanta?
Nè ghe credarò?
