— Vien quà, Toni mio,
No xe vero gnente
Mi son inocente
Te amo, vien qua. ―
— Amarme?.. inocente?
Go un bel atestato!...
Rispondi: sul fato
No t'ogio trovà? –
—Sul fato, ti disi?
Ah! dunque ti credi
A quel che ti vedi
Piutosto che a mi?
Ah! più no ti me ami,
Lo vedo dai fati:
Sti omeni ingrati
Xe tuti cussì;
I cerca un pretesto,
E po i se la cava!
El cuor me la dava:
Sì, go una rival.
Me nego, me mazzo
Se ti me abandoni...
Desmolime,.. Toni...
O Dio! me vien mal. —
