Ma per ora no me assumo
De istruirla, la me scusa:
Un fornelo fa del fumo,
Go un pastizzo che se brusa.
Co la vol la torna franco,
La me trova sempre qua:
La cusina xe el mio banco,
E la mia università.
E co un rider da furbazzo
Co un'ochiada maliziosa
El se tol da l'imbarazzo,
E me lassa far la glosa.
El gran mondo che xe adesso!
Nove idee! Novi costumi!
Semo in tempo de progresso,
E nel secolo dei lumi.
Cossa nota: ma una prova
Che le teste se rafina
La xe questa che se trova
I filosofi in cusina.
.jpg)
