.jpg)
EL PESSE FRITO
Ogni divertimento costa bezzi,
E spesso un pegno al Monte de pietà:
Ma piaceri ghe n'è de vari prezzi,
E se pol divertirse a bon mercà:
I più cari ga el vermo che li rode,
E in pien chi manco spende più se gode.
Qualche sera co vedo una frizata
De pesse a la furatola, e co sento
Quel odor che consola, la xe fata,
Me vien dal gusto un tal bisegamento;
Una tal vogia da la prima usmada,
Che me taco col naso a la ramada.
