Pagina:Attilio Turco - Sonetti Veronesi.djvu/55

VERONA

Verona la gà l’Adese che passa
     E l’Arena che ’l tempo la minciona,¹
     La gà le vece² mure che la brassa³
     Coi merli in alto come ’na corona;

La gà nel cor la so più bela piasse
     Col Gheto antico e con la Tor che sona;
     La gà San Zen che 'l ride che ’l se ingrassa,
     Benedisendo la so gente bona;

La gà ’na storia de memorie sante;
     La gà par fioi dei Carlo Montanari,
     Fra ci gà volù ben, la gà anca Dante.

L'è sempre stada de bon sentimento
     E l’à sognà, fra i so sogni più cari,
     De vèdar libarà Trieste e Trento!

vu ― avuto.

1. minciona ― prende in giro;
2. vecie ― vecchie;
3. brassa ― abbraccia;