Pagina:Assedio de Venezia.djvu/54

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



XLVI.


E tanto xe, fioi mìi, l'esaltamento
De quei nostri fradei, de quei soldai,
Che ghe n'è, in mezo a quel combatimento,
Su le traverse o s'un bastion sentai;

O che stà driti in pìe co un ardimento
Tal, che a sto mondo no s'à visto mai
Come che i fusse a un gran divertimento,
No coi Croati in fazza; indemoniai,

I ghe fasseva i corni, i ghe slanzava
Maledizion le più 'nvarigolae
E, tra i sbarlefi, i pugni i ghe mostrava.

E i ghe diseva: — «Sì, ferflucht star foi
E tarfi presto tante e tai ranciae
Che foi fetere, alfin, chi esser noi! —

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/54&oldid=61828"