Pagina:Assedio de Venezia.djvu/41

Da Wikisource
Sta pagina la xe stà trascrita, ma la gà ancora da vegner rileta.
XXXIII.


E la vose lontana assae l'é andada
Tra l'isole internandose e i palui:
Fra quei poarini la s'à fato strada,
Là, in mezo ai ghebi, plaçidi cressui.

La sente i buranei che, mezi nui,
Buta le rede per la so pescada:
Quei de Torçelo, sempre là vissui,
D'amor de patria i ga sentìo sta ondada.

E Cavalin e Brondolo là sente,
Cioza e Marina; e, la bandiera rossa
Vardando sventolar alegramente,

Tute, a sta vose, le responde: — «Sì,
Del nostro sangue insin l'ultima giossa,
O divina çità, demo per tì!» —

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/41&oldid=61814"