Pagina:Assedio de Venezia.djvu/14

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



VI.


Sta qua ve basta: mia cugnada, un drago!
Lu, un caporal boemo... un parpagnaco,
Che l'ocio el ghe vol far da pesse straco
Co quel muso da nonzolo o da zago.

Vignua la Pasqua, la fa suso un paco
Che, pò, la liga col so mato spago.
E la me dise: — distu?... ghe lo dago,
Opur no ghe lo dago, a quel macaco?... —

— Cossa ghe xe, mai, drento?... — Un regaleto... —
Donca, ti ghe vol ben?... — Va là, bardassa..
Ti vedarà che ridaremo!... — E speto.

Un dì lo cato.... el ga la gamba fiapa...
Ciò... quela mostra drento la fugassa
No gavevela messo la gialapa?....

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/14&oldid=61784"