DI LODOVICO PASTÒ
1Essendo un dì al passegio in compagnia
Un conte, un avocato e un zogelier,
El conte salta su: Corpo de dia!
Son sempre al can co tuto el gran mio aver
L'avocato sogiunze: Vita mia,
Semo compagni; e sì mi go un mestier
Da tesorar; e dise el terzo ancora:
Più che vadagno più vago in malora.
2Cossa che sia sta roba po nol so:
Ma qua gh'è sconto certo qualche intrigo,
Più che laoro manco mi ghe n'ò,
Go manco bezzi più che me sfadigo;
Saveu mo, puti, cossa che farò?
Quel che m'à consegià un bon amigo:
Me portarò doman da fra Vidal,
Che per consegi no se dà l'ugual.