DI CARLO GOLDONI
De maridarme m'è saltà el caprizio,
Go diversi partii, ma vòi pensar:
Una vechia faria da vomitar,
4La zovene sarìa senza giudizio,
La bela piaseria a Sempronio, a Tizio,
E co la bruta no me vòi tacar,
Pretenderà una rica comandar,
8Me manda la pitoca in precipizio.
La nobile sarà superba e altiera,
Asena l'ordinaria e l'ignorante,
11E la dona sapiente una braghiera.
Donca chi ogio da tor tra quele tante
Che proposte me vien? Questa è la vera:
14Vòi mandarle in malora tute quante.
