Me vede malinconico
Catina l'altro dì,
E la me dise: Trotolo,
4Cossa mai gastu? E mi:
Sapi, che Lila... Lila?
Ti ghe vol ben ancora?
Va via sastu in malora.
8— No lo sastu anca ti?
Lo so, maledetissimo,
Ma ti l'à da scordar;
O va a l'inferno, o l'unica
12Son che ti à da amar.
Sì, te amarò ti sola —
— Mostro, te mazzaria,
Sì, zà l'è butà via,
16Sì l'è negà sto cuor;
Ma curte, sta to cocola
La t'à savù impiantar —
— Cossa? — Via presto dimelo
20Che ti possi crepar.
