Pagina:Scherzi poetici di vari celebri autori italiani e veneziani.djvu/107

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.


     Ma che le so delizie
Sazia, nè ariva al cuor;
E benchè amor sia un perfido,
No so scampar da amor.
     So che la benda magica,
La benda d’ilusion,
Strazza dai ochi ai omeni
Filosofia e rason;
     Ma so che senza iluderse
La vita xe languor;
E benchè amor sia un perfido,
No so scampar da amor.
     So... ma el saver no medica
Chi è nato per sentir;
E so che no scampandote
Tropo averò a sofrir;
     So che in quei ochi, o Filide,
Xe sconto el traditor;
Nè so scampar da Filide,
Nè so scampar da amor.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Scherzi_poetici_di_vari_celebri_autori_italiani_e_veneziani.djvu/107&oldid=60204"