Orlandino franco-veneto/06

by anonimo

Orlandino franco-veneto VI V VII anonimo

Poema apartenente a la leteratura franco-veneta del Tresento, e scrito in un smissioto tra lengua francese e veneta.

Anonimo

Orlandino franco-veneto

VI

XIV secolo

Edission original:	Ernesto Monaci. Crestomazia italiana dei primi secoli. Nuova edizione riveduta e aumentata per cura di Felice Arese. Società Editrice Dante Alighieri, Roma-Napoli-Città di Castello 1955
Fonte:	http://www.classicitaliani.it/trecento/Orlandino_franco_ven.pdf

←  V

Edission e fonte ▼

VII  →

Poema apartenente a la leteratura franco-veneta del Tresento, e scrito in un smissioto tra lengua francese e veneta.

Coment N. parle a R.

"Bon rois", dist Naimes, "entendés ma rason
Questo damisel q' est petit guarçon
A moi non resenble eser filz de poltron.
Le reguarder oit como un lion,195

Faite li ben qe n' aurés guierdon.
Quant vu savrì de soa nasion,
Se son per è povero et elo nos le don,
Avec nos li menés a Lion.
En vestra cort non aça si ben non;200

S' el averà da mançer, serà un canpion".
Dist li rois: "E nu ben li faron".
E R. manue avec li rois Karlon;
Quant oit mançé non dist né sì né non;
La toaile fu parilee cun le enbandison,205

Cun pan e carne e groso capon,
E questo fe fare li bon dux Naimon.
La toaila li baile, via va li garçon
E darer li va li du conpagnon.
Mo no li vale la monta d'un boton210

Qe ili posa savoir ó il vada o non.
Tel dol li rois oit par poi q'il non fon;
Mo ben çur' elo a De qe sofrì pasion
Non mançarà la cort s' el non ven li garçon.
"Bon rois", dist N., "nu altrament faron,215

De cil enfant lasés moi la rason;
Eo e Teris rer lui aliron
A palafroi o a bon ronçon,
El non porà scanper par nul ren del mon
Qe nu no 'l segualrio trosqu' a soa mason".220

Dist li rois: "A Deo beneçion".
E R. s' en vait cantando una cançon:
"Nen plançì, mere, e' vos du bon capon
E del pan blanço, no de quel qe uson,
Q' est noiro com est li carbon".225

La dama plure, ma no pais Millon,
Qe volunter manue de celle enbandison.