Nina stufeta

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Lodovico Pastò

Nina stufeta

1822

Edission original:	Lodovico Pastò, Poesie edite ed inedite de Lodovico Pastò venezian, scritte nel so natural dialetto, Venezia, Giuseppe Molinari, 1822
Fonte:	Indice:Poesie edite ed inedite de Lodovico Pastò venezian.djvu

Edission e fonte ▼

[p. 64 modifica]

CANZONETA.

Nina stufeta
     Del mio contegno,
     Piena de sdegno,
     4Parla cussì:
Amigo caro,
     De cuor vel digo,
     Vu sè un intrigo,
     8No fè per mi.

[p. 65 modifica]

Un zorno geri
     Savio, e pulito,
     E assae compito,
     12Per verità.
Ancuò, credèlo,
     Sè contrafato;
     Afato, afato,
     16Ve sè muà.
Cavè po' a zonta
     El bel vizieto
     Del bocaleto,
     20E ve lodè.
Se ve vedessi
     Co avè bevù,
     Sè un turlulù,
     24Che stomeghè.
Inteso el tuto,
     No me confondo;
     Ma ghe respondo:
     28Sia pur cussì.
Mi no lo nego,
     Assae ve stimo;
     Ma el vin xe'l primo,
     32Che stimo mi.
La mia salute
     Da lui conosso;
     Più che 'l xe grosso,
     36Più stago ben.

[p. 66 modifica]

Ma se anca bevo,
     Bevo a misura,
     E go paura
     40Del goto pien.
Ma, se anca bevo,
     Bevo del mio
     Corpo de sbrio!
     44Voi seguitar.
Ve servo donca,
     E vago via,
     Bondisioria...
     48Se pol mo dar!