Le bizzarre, faconde, et ingeniose rime pescatorie/Madrigali

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
← Pescatorie Edission e fonte ▼ Desperate  →
[p. 51 modifica]
MADRIGALI.


P
I resto el ciel darà fine al so corso

     E i fiumi stalerà el so viazzo,
     E la terra no produrà mai frutto,
     E i anemali tutti morirà,
     Le creature i so zorni compirà,
     E manderà el deluvio el Signor Dio,
     Che mai Veniesia si vaga a mario.


Son vecchio inamorao,
     E volentiera
M'alliegro, e canto, e sono de lauto,
     E ven in tel mio horto
     Sunando fighi,
I bianchi, negri, e zalli,
     Può tutti quanti i dago per trabuto
     Al viso de Lionora,
     Ch'amando me dessecha de hora in hora.


Per far le mie vendete con Cupido
     Un zorno chel dormiva,
     In mezo un prao, mostrando la becheta,
     Ghe von a dosso, e rido,
     Per darghe sul culeto sie vischiae
Puo m'impentisso, e si mel toio in brazzo,
Dagandoghe di schiaffi per solazzo.

[p. 52 modifica]



Che sarà cuor desutele, e da puoco?
     Del nostro gran tormento?
Si Madona no vien tutta pietosa,
     Amor no ne contento?
Anci crudel pi cha buora, o sirocho,
     El mal si cresce,
     Onde no son pi vivo,
De sorte che le forza far un tratto,
O venzer sto dolor, o vegnir matto.


Madonna con Amor
     Si me fa beffe,
E pia del mio dolor mille sollazzi,
Onde si un dì m'ha meto
Ghe trazerò in tel viso el mio bragheto,


O vita allabastrina saorosa,
     O donna altiera, e bella,
Che ben someggi'l Sol da mezo Aosto,
     Quando sarà quel zorno,
     O mia lusente stella,
Che stemo insieme, a quel piaser suave,
     Azzo che del mio amor tegnì le chiave.


Frede acque, e pesci cari,
     Doleve del mio mal, de la mia doia,
          Aiuto o Dei marini,
     A sto besogno no me siè avari,
     Amor sempre me soia,

[p. 53 modifica]

     E col me vede da tutte le bande,
     El dise, che me schito in le muande.


Quel zorno lieto tanto e libertoso,
     Che Amor ridando disse,
     O fio ti sarà pur mo glorioso,
     Savia donna te ama,
Onde'l t'ho cuor, cho'l so sempre se brama.


Horsu no me tegnir Amor stentando
     Pien de ferie, che me trapassa el cuor,
Dimme caro fradello,
     Astu provao mai simel dolor,
     Quest'è ni bon, ni bello,
     Farme viver pianzando,
     A ti me arecomando,
Che'l contrastar no val a to possanza,
     Che tropo ponze la to cruda lanza.


Deh femo insieme Madonna amistae,
     Che vederè, che son un'agnelletto
     Acostumao, purazzo, mondo, e netto,
     No toiando l'honor a le brigae,
     No ste mo pi suspesa,
Hor su parlè, disè de si a la prima,
     E no stè pi a pensar sun'altra rima.


Quei lavri rossi cusi cremisini
     Da far inamorar tutta la zente,

[p. 54 modifica]

          E anche i Cherubini,
     Spandando quelle delicae parole,
     Fa propio odor de rose, e de viole.


Vardando spesso la mia dolce vita,
     Von suspirando, e digo,
Ah nemiga crudel de la natura,
Che vedendote esser calamita
Tirandome per forza,
     O sorte dura,
     E pur te son amigo,
Ma ben dise chi serve donna ingrata,
     E come un far carezze a la mia gata.


La donna mia, che tanto me contenta
     Si la vardasse ben mille fiae,
     Ma lie nol crede, e sempre se lamenta,
     Cho si no fosse mai la veritae,
Deh cuor, dighelo ti dolce thesoro,
     E fa una bona scusa,
Si no che certo e muoro,
Che in vero ziova puoco un testimonio,
A chi no teme Dio, nianche'l Demonio?


Occhi mie stracchi
     De lagremar tanto,
Per quei altri occhi privi de pietae
     Daspuo che'l grave pianto,
Ve fa orbar per la debilitae,

[p. 55 modifica]

     E vegnir i pensieri infermi e fiachi,
     Deh Dio, no sie rebelli,
Occhi pieni d'amor, occhi galanti,
Habiè compassion de mie gran pianti.


Ingiusto, cieco, despietao Amor,
     Che Diavolo te pensestu de far?
     Cho ti m'haverà ben brusao el cuor?
Che credestu carogna de avanzar
     Con mi, che son giotton?
Che soffrirò fin che ti sarà stracho
Può te cazzerò in corpo el mio bizzacho.


Quella manina, si pulia, e bianca,
     Che me dete un buffetto
Ridando insieme, su la banda zanca,
M'ha tanto intenerio le interior,
     Che cerco con effetto
Far che Madonna veda che l'adoro,
Si ben cognosso, che al tandem e muoro.


Che ziova bastonar un che xe morto?
     Ah iniquo Amor, crudel, e despietao?
          Ti m'ha ferio el petto,
C'ha puoco, a puoco e von in l'altro mondo,
     Mo viverò per farte pi despetto;
Si ben adesso ti me tiol el fiao,
     Ingrato senza fede,

[p. 56 modifica]

     Che sempre ti ha cerchao de amazzarme,
     Cho ti me scanni, che postu pi farme?


Madona sil pensier, che me desnombola,
     Havesse un zorno qualche bon miracolo,
     No ne dubio certissimo,
     Voiando un gran Idolo.
     Fassemo al mio fuseto un dolce spigolo.


Dame soccorso Amor,
     Za che ti vedi,
Che Madonna me scampa sempre mai,
     E pur ti no mel credi,
Caro fio no star pi, traghe una frezxa,
Azzo che la se infiamma, del mio fuogo,
Onde dì, e notte, mi no trovo luogo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Le_bizzarre,_faconde,_et_ingeniose_rime_pescatorie/Madrigali&oldid=56016"