La fondazion di Venezia/Azione terza
|
Edission original: |
"Tutte le opere"
di Carlo Goldoni;
a cura di Giuseppe Ortolani; |
|
Fonte: |
| ← AZIONE SECONDA | Edission e fonte ▼ | AZIONE QUARTA → |
AZIONE TERZA
NISO Solo.
Figurarse se voggio
Deventar matto con sto novo imbroggio.
Cossa ghe pensio mi de far l'amor?
Vardar, schizzar l'occhietto e suspirar,
Le xe cosse da matti da ligar.
Vôi tender al mio pesce;
El gusto del pescar za l'ò provà,
Né me voggio intrigar in novità.
Che bel gusto a mezzo zorno
Star coll'amo in riva al mar,
E veder vegnir attorno
Mille pesci a bagolar:
Chi nol prova, dir nol sa.
Quando i scampa, e l'amo i tocca,
Ingannai se tira su,
Ma co i chiappa l'amo in bocca,
I è cuccai, no i scampa più:
Mazor gusto no se dà. (parte)