La bela e i regali
Davanti a quel specio
che tanto me dise
e a quela cornise
4de vero oro vecio,
ancora in camisa
de seda e de merli
vardàndote fisa,
8(delizia a vedèrli!)
ti giusti i cavèi!
Lo so, Margherita,
quei oci xe bei,
12xe dreta la vita,
ti à i lavri de fogo,
i denti de perla,
i basi xe un zogo
16(belezza a vedèrla
la grazia del passo
elastico e pien!)
Che spale! Che brasso!
20Che fianchi! Che sen!
Ti sa le blandizie
che sa strolegàr,
ti à tante malizie
24per farte adoràr.
Sicùro quel brasso
co 'l se alza l'è belo,
quel viso fa ciasso
28soto un bel capèlo.
Za, za sto portento
scomìnçia a frutàr
e l'oro e l'arzento
32ti pol za muciàr.
Sia bruto e sia belo
xe tuto una mana:1
un dona un anelo,
36un dà 'na colana,
un altro un relogio,
de le perle fine,
un vecio barbògio
40marènghi e sterline.
Ti tol sti regali
co gran dignità,
se i xe colossali
44un baso ti dà!
Ma presto ti disi,
covrèndote el sen:
"a tuti sorisi
48a nissun del ben!"
Vinti ani e prudenza
ti ga Margherita
che dà l'esperienza
52de tuta una vita!
Mi dago un zogèlo
che val pochi schei,
ma un altro più belo,
56più belo dei bei,
l'amor de un poeta,
no 'l dago cussì,
quel là, benedeta,
60lo tegno per mi!
Te vardo e te amiro:
ti pol far cariera,
se ti vardi in ziro
64te piove a mièra
regali e per ani....
Ma bada al to cuor,
se pol restar sani,
68schivando l'amor,
ma el pol amalarse
pur senza far mal.
Sicùro, pol darse
72che el vegna de azzàl!2
Ricorda che alora
no 'l piase, mia bela,
ma gnanca in farsòra3
76ma gnanca in graèla!4
- Note a cura de l'autor