La Nana e Piero

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
La Nana e Piero
6 zenaro 1849
Edission e fonte ▼
Canto patriotico scrito durante l'insuression de Venexia contro i Austriaci del 1848-49 (N.d.R.)
[p. 308 modifica]
LA NANA E PIERO


Canzoneta Popolar


Va là, tol suso el schiopo
    Piero, va là combati
    Quei pochi de croati,
    4Che tanto mal ne fa.
                Ricordite la Nana,
                Che sempre te amarà,
                E che siben lontana
                8Co ti col cuor sarà.

Co ti starà nel campo
    Al fredo, a la sbaragia,
    E quando la metragia
    12Fischiar ti sentirà:
                Abi coragio e pensa
                Che la mia man sarà
                Quel premio e ricompensa,
                16Che tanto a cuor te sta.

Sì; co sarà la patria
    Libera e vitoriosa
    La to dileta sposa
    20In mi ti trovarà.
                Oh quanta contentezza
                Quando ti me dirà:
                «Ste man che te carezza
                24L'Italia ga salvà!»

E co a la to famegia
    Le to bravure e glorie,
    Le strussie e le vitorie,
    28Ti ghe racontarà,
                Mi dirò ai nostri fioi
                Che atenti i ascoltarà:
                «Sarè dei veri eroi
                32Se imitare 'l papà»,

Ma se ti me morissi,
    Andarìa in t'un convento,

[p. 309 modifica]

    E pregarìa là drento
    36Col cuor adolorà.
                Che presto un dì seguisse
                Da mi desiderà...
                Quel dì che a ti me unisse
                40Per una eternità.

6 Gennaio.
Toni Pasini.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_Nana_e_Piero&oldid=46813"