L'ora de amor

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
50%.svg
Qualità del testo: sto testo el xe conpleto, ma el gà ancora bisogno de qualche sistemada. No xe stà indicà l'edission cartacea da cui vien el testo.
L'ora de amor
musicà da Nicolò Pletz
1898
Edission e fonte ▼

Quando che parlo, Lina,
con ti, me bate 'l cor;
la sera e la matina
4no penso che a sto amor.

De là, drio de la fossa,
andemo a far l'amor,
. . . . . . . . . . . . . . . .
8mi te parlo de cor.

La luna xe za fora,
e fresco xe 'l borin,
fate più in qua, xe l'ora...
12fate a mi più vizin.

Bionda, se quel mureto
là, poderia parlar...
del nostro amor...scometo
16romanzo se pol far.

Pensa che un giorno iera
fortezza sta città...
solo che quatro muri
20in memoria xe restà.

Dai tempi più remoti
qua iera 'l gran Leon...
E la Roca portava
24per stema el falcon.

Tuto ga fin nel mondo,
e tuto passa e vien...
camina fina in fondo,
28sempre te voio ben.

Senti, l'orloio bate...
le nove xe vizin,
ma prima de lassarte
32dame ancora un basin.

Questo sarà 'l mio pegno;
senpre te voio amar,
dona te farò almeno
36e mai te voi lassar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27ora_de_amor&oldid=39528"