L'aseno (Camillo Nalin)

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
100 percent.svg
Qualità del testo: sto testo el xe stà trascrito e rileto.
←  La distrazion Edission e fonte ▼ El viagiator  →
[p. 14 modifica]
L’ASENO.


Dopo aver tentà el tentabile,
     No savendo come far
     Per al mondo un nome celebre
     4Anca lu poder lassar,

El pensier de andar su l’Aseno
     A un Signor ghe xè saltà,
     E più aseno de l’Aseno
     8Per da drio lu ghe xè andà.

L’animal che col so comodo
     Gera alora a pascolar,
     Che se sente contro el solito
     12Nel preterito a tetar,

[p. 15 modifica]


Dopo aver povaro diavolo
     Tuta quanta la matina
     Senza mai fermarse un atomo
     16Portà i sachi de farina,

Gh'è venudo su la budela,
     E temendo che i lo mena
     De bel novo a la so carica
     20Co la basta su la schena,

Te ghe mola in stil laconico
     Ne le gambe una scalzada,
     Ghe lo buta capitombolo
     24Mezzo morto su la strada.

A sto barbaro spetacolo
     Un gran bozzolo de zente
     In socorso de quel misero
     28A corando ghe va arente,

[p. 16 modifica]


E tre quatro de bon animo
     Lo tol suso in stato tal,
     Che 'l progeto i forma subito
     32De portarlo a l'ospeal.

Xè ridoto adesso el parapano
     Che 'l camina col baston;
     A so dano, el se la merita,
     36Tuti dise, quel cogion.

La moral xè facilissima,

     E se vede che in sostanza
     Per tratar anca coi Aseni
     40S'à da aver de la creanza.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=L%27aseno_(Camillo_Nalin)&oldid=52928"