L'adio del soldà a la Nana

by Toni Pasini

3 L'adio del soldà a la Nana Toni Pasini 30 otobre 1848 XIX Cansoni popolari Indice:La gloriosa epopea.djvu

Canto patriotico scrito durante l'insuression de Venexia contro i Austriaci del 1848-49 (N.d.R.)

Toni Pasini

L'adio del soldà a la Nana

30 otobre 1848

Edission original:	La gloriosa epopea, MDCCCXLVIII-MDCCCXLIX, nei canti politici dei poeti contemporanei e del popolo d'Italia, a cura de Angelo Lanzerotti, Venezia, C. Ferrari, 1886
Fonte:	Indice:La gloriosa epopea.djvu

Edission e fonte ▼

Canto patriotico scrito durante l'insuression de Venexia contro i Austriaci del 1848-49 (N.d.R.)

L'ADIO DEL SOLDÀ A LA NANA

Canzoneta popolar

su l'aria — La note xe bela — de Buratti

musica di Parucchini

La patria pianzendo
    A l'arme la chiama
    Quei tuti che l'ama
    Bisogna partir.
        5Piutosto che ceder...
        Piutosto morir.

No pianzer; coragio!
    Consolite, Nana;
    Sii vera Italiana,
    10Se ti me vol ben.
        Chi no ama l'Italia
        No ga cuor in sen.

Sti tre bei colori,
    Mie vissere, varda;
    15La xe la cocarda
    Che ti à ricamà.
        Gnissun, fin che vivo,
        No me la torà.

Ma se più no torno
    20Mia mare consola:
    No lassila sola
    Finir i so dì.
        Ah! qualche solievo
        La gabia da ti.

25La povara vechia
    Consola disendo:
    Che in cielo ridendo
    So fio xe svolà:
        Che Dio per so mare
        30Lassù 'l pregarà.

Mo via sti pensieri!
    Saremo felici,
    E vinti i nemici
    L'amor unirà
        35La man de la Nana,
        La man del soldà.

30 Ottobre.

Toni Pasini.