Il Milione/099
|
Edission original: |
Il Milione veneto : ms. CM 211 della Biblioteca civica di Padova, |
|
Fonte: |
http://www.classicitaliani.it/duecento/Polo_Milione_01.htm |
| ← CAPITOLO XCVIII | Edission e fonte ▼ | CAPITOLO C → |
- Della gran dessessa, dove l'omo va pur in zio do zornade e meza.
Quando l'omo se parte de questa provinzia de Charaian, el truova una grandenisima desexa per la qual l'omo vano ben do zornate e meza pur al declino.
E non ge n'è abitaxione, ma ad uno luogo, là o' se fa fiera e merchato tre dì della setemana, e vien de molta zente dale montagnie.
A quela fiera aduxeno oro per chanbiar in arzento, e i merchadanti d'altre chontrà gli aduxeno l'arzento et tuò de questo oro; e fane gran guadagnio perché i àno uno sazio d'oro per zinque d'arzento.
Quelle zente che aduxeno l'oro abitano per soa signioria in luogi altisimi e forti, et sono sì diversati luogi che non 'de va mai niuno se non egli, sì che l'altra zente non sano dove i abitano.
Quando l'omo à chavalchato de quelle do zornate e meza, el truova la provinzia de Mien, la qual chonfina chon l'India inversso mezodì.
L'omo va quindexe zornade per molta salvadega [cont]rada e per molti boschi, là dove è molti elinfanti, elichorni e altre bestie salvadege asai.
In quela contrà salvadega nonn è abitazion.