Il Milione/084

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Il Milione
(versione veneta)
CAPITOLO LXXXIV
XIV secolo

 Edission original:   

Il Milione veneto : ms. CM 211 della Biblioteca civica di Padova,
Barbieri, Alvaro (a c. di), Andreose, Alvise (a c. di), Mauro, Marina (a c. di), Renzi, Lorenzo (a c. di), Marsilio, Venezia, 1999

 Fonte:

http://www.classicitaliani.it/duecento/Polo_Milione_01.htm
http://www.bibliotecaitaliana.it/testo/bibit000514

←  CAPITOLO LXXXIII Edission e fonte ▼ CAPITOLO LXXXV  →
antica traduzion veneta de anonimo autore de Il Milione de Marco Polo
Della zità de Grongi e della provinzia de Catai.

Quando l'omo se parte de questo ponte, el va trenta mia trovando tuta fiada chaxe belle e palazi, vignie e chanpi.

De chavo de trenta mia se trova una zità che à nome Grogin, grande e bella, là dove è molte badie de idolle.

La zente vive d'arte e de marchadantie; lì se lavora drapi de seta e d'oro e zendaieli.

E n'è molti albergi per forestieri che pasano.

E quando l'omo è partito da questa zità et è andado uno meiaro, el trova do vie, l'una va verso ponente e l'altra verso sirocho: quella da ponente va in la provinzia de Chatai e quela de sirocho va verso mare ala provinzia de Manci.

Sì se chavalcha per ponente per la provinzia de Chatai ben diexe zornade, tuta fiata trovando de molte belle zità e chastelle, e de molte gran merchadantie e de gran arte, e de belli chanpi e zardini, e domesticha zente.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Il_Milione/084&oldid=41930"