El guanto
|
Edission original: |
Umberto Foà, Nuove rime veneziane di guerra e di pace, Firenze, Libreria Internazionale, 1917 |
|
Fonte: |
| ← Alla Contessa Annina Morosini | Edission e fonte ▼ | A Valerio Catullo Veronese → |
Gera in gòndola una sera
co 'na splendida putèla,
però sola no la gera:
4gh'era insieme una sorela.
Ogni tanto un vaporeto
solevava un'onda in alto,
e, spaurìa, con un sigheto
8la tremava a quel gran salto.
Sia la smània de l'istà,
de la luna el ragio insan,
no so come m'ò trovà
12la so man ne la mia man.
Che sorpresa benedeta,
là, ne l'ombra cussì brava,
e se mi la tegnìa streta
16gnanca ela la molava!
Ma la man cussì graziosa,
gera streta dentro un guanto:
no gh'è roba più noiosa,
20mi za i guanti li odio tanto.
Mi me piase le man bele
dal profumo inebrïante,
mi vòi1 strènzer vera pele,
24mi no vòi pele de dante.2
L'àbia inteso el mio tormento,
sia inoçenza stà la sua,
no so come, eco che sento
28ne la man la so man, nua.
L'ò tignuda mez'oreta,
là, ne l'ombra cussì brava,
e se mi la tegnìa streta,
32gnanca ela la molava!
- Note a cura de l'autor