El campanil de S. Giusto
|
Edission original: |
Augusto Levi, Versi in dialetto triestino, Trieste, Caprin, 1915 |
|
Fonte: |
| ← El bel tenor | Edission e fonte ▼ | Sessolote... → |
El guarda za da secoli
La sua Trieste bela,
Da tempo imemorabile
El fa da sentinela;
Che sufi vento e bora,
Paura no ghe fa,
La vista sua inamora:
Xe l’italianità!
Che orchestra, fioi, che musica
Co sona le campane!
Quele ga vose umane,
Quele ne parla al cor!
El ne consola l’anima
Quel campanil vetusto,
La gloria de San Giusto
El santo protetor!
Soto de lu ’l gran tempio,
Ghe ga inalzà i latini,
Amor, speranza, orgoglio,
De tuti i triestini;
La ciesa che ne guarda,
Quel eterno gioiel:
De Sergio l'alabarda
Cascada zo del ziel.
Che orchestra, fioi, ecc.
O campanon, dai sonine,
Con vigorosa scossa,
O campanil inalbera
La tua bandiera rossa;
Din... dan... finchè ne toca
El cor el tuo din-dan,
Se sentirà ogni boca
Parlar in italian.
Che orchestra, fioi, ecc.