Amoureuse

by Umberto Foà

4 Amoureuse Nuove rime veneziane di guerra e di pace Rime cortesane Carnevàl Umberto Foà 1917 XX

poesie

Umberto Foà ―  Nuove rime veneziane di guerra e di pace  ―  Rime cortesane

Amoureuse

1917

Edission original:	Umberto Foà, Nuove rime veneziane di guerra e di pace, Firenze, Libreria Internazionale, 1917
Fonte:	Indice:Nuove rime veneziane di guerra e di pace.djvu

←  Carnevàl

Edission e fonte ▼

AMOUREUSE

Amor ti xe un piavolo,
ti fa far matessi,
ti è un mago o un gran diavolo
4che insegna i boressi.¹

Co semo viçini,
nel peto se sente
un fogo, una smania
8che ariva invadente,

che strenze i zenoci,
che struca le man,
che abàçina i oci
12che fa un sancassan!²

"Tesoro, eco un baso,
un altro, altri do,
no fàrghene caso
16chè tanti ghe n'ò!

"Qua, stame vicina,
strucada al mio cuor,
el tempo camina,
20no 'l torna, mio amor!"

Nei oci te vardo:
"Me vustu del ben?"
"Ma tanto, ma tanto!"
24me dixe el to sen

che ànsima un poco.
Te vardo nel viso,
me par de star megio
28che su in Paradiso.

Ma eco: in t'un ponto
ti te levi in piè:
più amor, più sempiezzi,
32carezze no gh'è!

Ti lassi magari
un baso a metà:
se sente sussuro,
36la mama xe qua!

---

Note a cura de l'autor

1. Allegria smodata.
2. Far un San Cassan, vale, in dialetto veneziano, malmenare, dal martirio di San Cassiano vescovo di Imola che fu ucciso dai suoi scolari con gli stili che servivano a scrivere.