Ai lontani

by Umberto Foà

4 Ai lontani Nuove rime veneziane di guerra e di pace Nel libro del leon... [DEDICA] Venezia al scuro Umberto Foà 1917 XX

poesie

Umberto Foà ―  Nuove rime veneziane di guerra e di pace  ―  Nel libro del leon...

Ai lontani

1917

Edission original:	Umberto Foà, Nuove rime veneziane di guerra e di pace, Firenze, Libreria Internazionale, 1917
Fonte:	Indice:Nuove rime veneziane di guerra e di pace.djvu

←  [DEDICA]

Edission e fonte ▼

Venezia al scuro  →

AI LONTANI

Inaugurandosi il nuovo Campanile di San Marco

addì 25 Aprile 1912.

Vu che sparsi per el mondo,
veneziani, ricordè,
el Canàl, la Piazza, in fondo
4tuto quelo che adorè,

vu, che in mezo a strussie e a stenti
e ai trionfi del lavoro,
gavè i oci sempre intenti
8a la vostra Ciesa d'oro,

che sentì la nostalgìa
del dialeto venezian,
co Goldoni a mile mïa
12e col Papa in Vaticàn,¹

ancùo xe zornada bona
per i cuori inamorài,
ve dirà la Marangòna²
16che Venezia no mor³ mai.

Forti i brazzi, su le teste,
la Trotiera² ve dirà,
per i luti e per le feste
20nu saremo sempre quà!

Per le tere e per i mari,
veneziani, lavorè,
novi fasti milenari
24per San Marco preparè!

Za dies'ani xe sta un luto,
xe sta un schianto in ogni cuor,
ne paréa tuto distruto
28in un'ora de dolor!

Ma se a rinovar la storia
ga volesto cussì el Çiel,
per cantàr nova vitoria
32viva el novo Campaniél!

---

Note a cura de l'autor

1. Allora era Sommo Pont. Pio X che era veneto e fu Patriarca di Venezia.
2. La Marangona e la Tortiera sono due delle campane più famose del Campanile di San Marco.
3. Muore.