Wikisource:Cossa xelo Wikisource?

Da Wikisource
El logo de Wikisource

Wikisource la xe na biblioteca digitale che publica testi che no xe cuerti da copyright.

La dòpara el sistema wiki, che vol dir che tuti quanti, anca el primo che passa, i pole modificar le pagine de Wikisource, e dar quindi na man a slargar e mandar 'vanti la biblioteca. Defati Wikisource no'l xe fato da na sola persona, o da póche persone che fà tuto lori: tuti quanti podemo partessipar e dar el nostro contributo.

Un poca de storia[canbia]

Wikisource la xe nata nel 2003 come progeto fradèl de Wikipedia. I primi testi in lengua veneta i xe stà publicà nel marso del 2007 su www.wikisource.org, sito che zà ospitava un mucio de testi in tante altre lengue. Nel novenbre del 2010 i testi veneti, oramai presenti in gran nùmaro, i xe stà spostà su de un sito novo, tuto par lori: vec.wikisource.org.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Wikisource:Cossa_xelo_Wikisource%3F&oldid=26411"