Un'onta e una ponta/7
|
Edission original: |
Giovanni Cristofferi, Un'onta e una ponta, Venezia, Pellizzato, 1907 |
|
Fonte: |
Indice:Cristofferi - Un'onta e una ponta, Venezia, Pellizzato, 1907.pdf |
| ← 6 | Edission e fonte ▼ | 8 → |
- 7.
Gnanca apena lassái quei dò amigoni
dise el primo al secondo: el par vissùo
de lusérte!; lo gastu conossuo?
― Mi... gero inçerto, e si go i oci boni.
― Géri al Bar se parlava in tuti i toni
de.... discordie, epur mi no go creduo;
ma questo de securo s'ha savuo,
che, ormai da un pezzo, no gh'è più milioni.
― Per altro, in vila, quando i va a trovarlo:
corte bandía; tavola bona e pronta
senza bisogno afato de avisarlo....
― Ma va là corte!!...; lassa che te conta:
tornando l'altro dì l'amigo Carlo
el ga disnà da nù per farghe zonta.