Un'onta e una ponta/27
|
Edission original: |
Giovanni Cristofferi, Un'onta e una ponta, Venezia, Pellizzato, 1907 |
|
Fonte: |
Indice:Cristofferi - Un'onta e una ponta, Venezia, Pellizzato, 1907.pdf |
| ← 26 | Edission e fonte ▼ | 28 → |
- 27.
El partito! Eco quà la gran magagna;
tuto se deve far a un solo scopo:
ch'el partito trionfa, e poder dopo
góderse bravamente la cucagna.
O, in questo, benedeta la campagna
dove l'acqua xe ciara, e al poaro giopo
che strússia tuto el dì ghe par fin tropo
de guadagnarse quel poco ch'el magna!
A furia de grupeti, de cesole,
nù se desmenteghemo alegramente
'sto nostro bel paese pien de sole,
de ricordi e speranze, de bisogni,
che par la çenerentola vivente
cazzà in cusína a masenàr i sogni.