Ultima volontà, o sia vero testamento de sior Tonin Bonagrazia/22

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  21 Edission e fonte ▼ 23  →
[p. 18 modifica]
22.

Le Boarie le lasso tute
A i Boari che le gà,
(Siben che l'altro ano
4Sie sesti s'à brusà),

[p. 19 modifica]


Ma resta i Rovinazzi,
Qualcossa de Legname,
Vendendo i se fa richi,
8Mi digo, o i mor da fame.

I Leameri tal e qual
I se trova, vòi lassar,
Perchè se no ghe basta
12Che i gabia da magnar.

Le Bestie no ghe intra,
Per quele go pensà,
Le dago ai mii Parenti,
16Atenti a chi le và.

Le Vache, a mie Sorele,
I Manzi, a mii Cugnai,
I Porchi del cortivo,
20E i Mussi snombolai,
 
Tuto che sia per lori,
Farli mi vòi contenti,
Anca le do Cavale,
24Che magna senza denti.

Riservo po do Mussi,
I Fioi del Magiordomo
Vòi che li gabia in redita,
28Co l'ombra che fa 'l Domo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Ultima_volontà,_o_sia_vero_testamento_de_sior_Tonin_Bonagrazia/22&oldid=43037"