Ultima volontà, o sia vero testamento de sior Tonin Bonagrazia/19
|
Edission original: |
Francesco Angelini, Ultima volontà, o sia vero testamento de sior Tonin Bonagrazia, nobile da Torcelo famoso conta storie venezian tolto da un original in prosa scrito da lu stesso, poesia strambo-critica di Francesco Angelini, Venezia, Zambatista Merlo, 1858 |
|
Fonte: |
| ← 18 | Edission e fonte ▼ | 20 → |
19.
A le vintiquatro Nene,
Che in stala m'à latà,
Vogio che un toco a tute
4Ghe vegna regalà
De quela bela fabrica
Chiamada la Boaria,
Che tegno in Piazza a Roma
8Fata in litografia;
De più, che ghe sia dà
Al scomenzar d'ogn'ano,
Un pèr de Scarpe rote,
12E un Veladon de pano,
Do Aghi per la testa
De fero, ben sfogai,
E che a l'aniversario
16Ghe vegna conficai.