Ultima volontà, o sia vero testamento de sior Tonin Bonagrazia/11
|
Edission original: |
Francesco Angelini, Ultima volontà, o sia vero testamento de sior Tonin Bonagrazia, nobile da Torcelo famoso conta storie venezian tolto da un original in prosa scrito da lu stesso, poesia strambo-critica di Francesco Angelini, Venezia, Zambatista Merlo, 1858 |
|
Fonte: |
| ← 10 | Edission e fonte ▼ | 12 → |
11.
Ai mii Nevodi lasso
In giusta proporzion,
I quatromile Campi,
4Che xe in te quel canton
Del Regno dei pensieri,
Dove che senza ostacoli
Se semena Latuga,
8E Paste vien da Napoli;
E a quelo maridà,
Esente da tempesta,
Dono de più quel'Orto
12Che go sora la testa,
Dove che nasse belo,
E sempre de quel scaco,
El material da Peteni,
16E Buste da tabaco.