Ultima volontà, o sia vero testamento de sior Tonin Bonagrazia/03
|
Edission original: |
Francesco Angelini, Ultima volontà, o sia vero testamento de sior Tonin Bonagrazia, nobile da Torcelo famoso conta storie venezian tolto da un original in prosa scrito da lu stesso, poesia strambo-critica di Francesco Angelini, Venezia, Zambatista Merlo, 1858 |
|
Fonte: |
| ← 2 | Edission e fonte ▼ | 4 → |
I tresento e più Casini,
Che xe là tra 'l caldo e 'l fredo,
E che parte xe a remengo
4Come za che ancora credo,
Ghe li lasso a la più Granda,
(Che se ga da maridar)
Volendola in sto modo
8Cussì contradotar;
Col pato che de venderli
Tolto ghe sia 'l dirito,
E che nè mai la possa
12Far novità d'afito.
Anzi, per più cautela,
El Testator po crede,
Proibirghe l'ipoteca,
16E po, de rede in rede.
De più ghe lasso un gropo,
Ma fisso, de livei,
Che pol servir benissimo
20Anca per i putei.
L'è un forte capital
Da no vegnir mai poveri,...
El fruta giornalmente
24Dei miera de rimproveri.