Secondo Dialogo/Scena sesta

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

in Due dialoghi in lingua rustica (1551) Venezia, Stefano di Alessi

 Fonte:

Bilora in De Bibliotheca
Ruzante; Teatro a cura di Ludovico Zorzi (19923) Torino, Einaudi

← Scena quinta Edission e fonte ▼ Scena settima  →
SCENA SESTA
BILORA e PITARO

BILORA  Pota, mo a che muò a séon catè tuti du chialòndena.

PITARO  Beh... Hètu ben magnò? L'ha un bon vin, n'è vero?

BILORA  Sí, èlo, barba Pitaro! Càncaro, l'è bon. A ve sè dire ch'a so' pin, che se me sbaterae na falza su 'l magòn.

PITARO  Ben... che vuòtu ch'a faghe? Vuòtu ch'a faelàn a sto vegio e ch'a vezàn presto e belo che 'l vuò dire, e cavònsene i piè tosto entro o fuora. Na fià te dí che la tosa vegnerà se ben el no vuò...

BILORA  La m'ha ben dito cossí, se la no fosse mo muà d'anemo. La è an ela cossí un può gregiara, intendíu? De so cao.

PITARO  A intendo ben mi... Mo na fià con pí tosto a s'in desbratón, tanto miegio per nu. A che muò vuòtu ch'a ghe faele? mi per ti, o vuòtu ch'a ghe faelàn tuti du de brigà?

BILORA  No, mo faelèghe pur vu, che sarí miegio dire. E aldí; s'a ví ch'el se tire indrio, diivu: «Al sangue de Críbele, che l'ha un marío che l'è un mal càncaro, che se no ghe la dé, el v'amazerà»; e diighe ch'a son stò soldò, che fuossi haràlo paura.

PITARO  Or ben, laga far a mi.

BILORA  Mo aldí. Diighe pur ch'a son sbraoso e biastemè, e diighe ch'a son stò soldò, no ve 'l desmenteghè, vi.

PITARO  Moa, tírate da un lò, che 'l no te vega, ch'a sbaterè. Làgame pur far a mi, ch'a ghe farè un spròlico che 'l me intenderà.

BILORA  Vaghe con càncaro se vuogie: se 'l me la dà, Dio con ben; se anca no, al sangue dela Verghene Malgatera, ch'a ghe parerò el verín dal culo. Cassí ch' a ghe fago muzar la lesca per le gambe in t'i scofón.

PITARO  Mo tasi, no andàr mo pí drío scalognanto. Tuòte, làgame sbatere. Con ditu che 'l l'ha lome?

BILORA  Mo a no sè a che muò, càncaro, i ghe dighe mi. A crezo che l'ha lome missiér Ardochene. A no sè a che muò: missiér Ardo, missiér Ardochene, sí, sí, sí...

PITARO  Sí, sí, da vera sí. Oh da la cà!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Secondo_Dialogo/Scena_sesta&oldid=56609"