Secondo Dialogo/Scena nona
|
Edission original: |
in Due dialoghi in lingua rustica (1551) Venezia, Stefano di Alessi |
|
Fonte: |
Bilora in De Bibliotheca |
| ← Scena ottava | Edission e fonte ▼ | Scena decima → |
- SCENA NONA
- DINA, ANDRONICO e PITARO
DINA Me ciamèvu mi, messiere?
ANDRONICO Sí, fía, vien un puoco zoso. E diràve ben che le done havesse puoco çervelo, benché la mazor parte ghe n'ha puoco, se cossí façilmente custie havesse muà preposito.
PITARO Viila chí, messiere, che l'è vegnúa.
ANDRONICO Ben, fía bela, che dístu?
DINA De che, messiere? A mo sè mi, a no dighe gnente mi.
ANDRONICO Aldi: st'omo da ben te xe vegnúo a domandar da parte de to marío, e sí havemo fato un pato, che s'ti vuol andar con esso, che mi te lassa andar; si an che ti vuol restar, che ti resti. Ti sa ben quel che ti ha con mi e si te lasso mancar. Fa mo con ti vuol e con te piase. Mi una volta no te digo altro.
DINA Che mi vaga con me marío? Mo on volío ch'a vaghe? A harè agno dí dele bastonè. Made in bona fè no, ch'a no ghe vuò anare. Che se Diè m'aí a no 'l vorae mè haèr cognessú, che l'è cossí fin poltron, co' un altro che magne pan. Miedio in bona fè no. Messier no, ch'a no ghe vuò anare, che co'l vego, m'è viso che vega el lovo.
ANDRONICO Basta, basta, basta. Vu me havè mo inteso. Sèu satisfato? Quando ve digo mi che la no voleva vegnir, vu no me 'l volevi creder.
PITARO Mo aldí, messier: el me vien lomè ira dela cavestrela; che el n'è mez'ora, puoco inanzo ch'a vegnessè a cà, che l'ha dito a Bilora che la ghe volea vegnire, se ben vu a no volívi.
DINA Che? A gh'he mi dito che a ghe volea vegnire? A gh'he dito che me l'haí squaso fato dire (con dise la bona fémena), a gh'he dito un tòtene. Laghèlo pur dire, che 'l se l'ha pensò.
ANDRONICO Va pur in camera, e no criemo pí. Basta, andè con Dio. Che ve par mo? Mi l'averave zurao che la no saràve vegnúa. Volèu altro?
PITARO Messier no, mi, che volívu ch'a vuogia? A vuò dirve che Bilora è un mal omo, e che l'ha puoca volontè de far ben, e che a fassè miegio a dàrghela.
ANDRONICO Ben, che vuol dire ste parole? E credo che ghe n'haveremo mi de boto. Che me vustu manazar? No me far andar in còlera, che te digo da seno, che se daremo zò per la testa da bon seno. Ti me pari una bestia mi, a spazarte in puoche parole, e va via de qua, e nétate presto che questa xe una maxima che no te la vogio dar. Me hastu mo inteso? Che vogio adesso insír de casa, no te lassar trovar, che te intravegnerà forsi... Basta. No pí.
PITARO Mo andè in vento, ch'a no ve vega mè pí.