Poesie veneziane del conte Francesco Cestari/Sonetti a Nina/3. Bocca di Nina

by Francesco Cestari

Sonetti a Nina
III. Bocca di Nina ../2. Mani di Nina

../4. Occhi di Nina

Francesco Cestari

Poesie veneziane del conte Francesco Cestari
dedicate alla nobile donna la signora marchesa Teresa Archetti Cauzzi

Sonetti a Nina
III. Bocca di Nina

1819

Edission original:	Francesco Cestari, Poesie veneziane del conte Francesco Cestari, dedicate alla nobile donna la signora marchesa Teresa Archetti Cauzzi, Venezia, Alvisopoli, 1819
Fonte:	Indice:Poesie veneziane del conte Francesco Cestari.djvu

← 2. Mani di Nina

Edission e fonte ▼

4. Occhi di Nina  →

BOCCA DI NINA

III.

Ghe xe chi dise: scampa le ocasion
     Se vogia no ti ga da sospirar,
     Questo xe 'l modo de no delirar,
     E de se stesso de restar padron.

Sti tali gavarà sempre rason,
     E sempre i podarà cussì parlar
     Fin che un azardo no li fazza amar
     Quantunque no i gavesse l'intenzion.

Credèlo, Amor dei cuori xe'l Sovran:
     Sotrarse a la so forza no gh'è caso,
     E dir no pol nissun: ghe son scampà.

Fava anca mi una rotta el cortesan;
     Ma un dì, che Nina in zogo¹ m'à dà un baso,
     Quela boca m'à in bota inamorà.

---

Note

1. Si allude a un gioco di compagnía.