Poesie veneziane del conte Francesco Cestari/Sonetti a Nina/1. Viso di Nina
I. Viso di Nina
|
1819
|
|
Edission original: |
Francesco Cestari, Poesie veneziane del conte Francesco Cestari, dedicate alla nobile donna la signora marchesa Teresa Archetti Cauzzi, Venezia, Alvisopoli, 1819 |
|
Fonte: |
| ← Sonetti a Nina | Edission e fonte ▼ | 2. Mani di Nina → |
Una sera che al fresco se trovava
Su l'erba a respirar Nina sentada
No avendo vista sora un fior un'ava,
4Ponta da quel'inseto la xe stada.
In quel momento propio mi passava
A quel prà per azardo de fazzada,
E n'ò sentìo dir: oi, che mi saltava
8El fosso che ghe xe tra 'l prà e la strada.
Apena go savesto quel ch'è nato,
Ah! quanta somegianza (go esclamà)
11Ghe trovo in sto acidente col mio amor?
A ti, Nineta mia, quel'ava à fato
Quel ch'el divin to viso à fato e fà,
14Senza misericordia sul mio cuor.