Poesie veneziane del conte Francesco Cestari/Anacreontiche a Nina/24
|
1819
|
|
Edission original: |
Francesco Cestari, Poesie veneziane del conte Francesco Cestari, dedicate alla nobile donna la signora marchesa Teresa Archetti Cauzzi, Venezia, Alvisopoli, 1819 |
|
Fonte: |
| ← 23 | Edission e fonte ▼ | Sonetti a Nina → |
XXIV.
Dirte mi pur voría
Quel che per tì mi sento;
Nina, fin dal momento
Primo che t'ò vardà.
Per tì, che da quel zorno
A sti ochi ti è presente,
E in cuor e in tela mente
Impressa t'ò portà.
Per tì, che ti è un composto
De grazia, e de dolcezza,
D'ingenuità e belezza,
De verità e candor;
Ma termini che spiega,
Idolo mio, no trovo,
Sto sentimento novo
Che per tì sento in cuor.