Poesie veneziane del conte Francesco Cestari/Anacreontiche a Nina/14

by Francesco Cestari

Anacreontiche a Nina
XIV ../13

../15

Francesco Cestari

Poesie veneziane del conte Francesco Cestari
dedicate alla nobile donna la signora marchesa Teresa Archetti Cauzzi

Anacreontiche a Nina
XIV

1819

Edission original:	Francesco Cestari, Poesie veneziane del conte Francesco Cestari, dedicate alla nobile donna la signora marchesa Teresa Archetti Cauzzi, Venezia, Alvisopoli, 1819
Fonte:	Indice:Poesie veneziane del conte Francesco Cestari.djvu

← 13

Edission e fonte ▼

15  →

XIV.

Perchè son stà a Venezia
     El muso ti me fa,
     E in colera li va
                    Con chi t'adora?

Idolo mio, no merito
     D'esser cussì tratà,
     E più de mì lo sa
                    Chi m'inamora.

Son stà a Venezia, è vero?
     Ma el cuor go qua lassà:
     T'astu desmentegà
                    Che mì go el too?

No, che no pol, Nineta,
     De fede aver mancà
     Chi avendo el cuor cambià
                    No ga più el soo.