Pagina:Vittorio Gottardi - Mesi Vechi.djvu/43

Da Wikisource
Sta pagina la xe stà trascrita, ma la gà ancora da vegner rileta.

(In vilegiatura)


Drento un carozon a doradure,
Vegneva, da Venezia, i nostri noni,
Seguidi da una coa de cargadure,
Dai più eleganti e alegri peruconi.

Tra i albari, le dame, più sicure
Se dava ad amoreti, a bali e soni:
Nasceva le più celebre aventure,
Fioriva la comedia de Goldoni.

Drento un vagon, ancuò, de terza classe,
Vien i nevodi a far economia,
A tirar zo ’na barca de lamenti,

Lagnandose, col prete, de le tasse...
Del setecento, credo no ghe sia
Che i soliti scroconi e maldicenti! -

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Vittorio_Gottardi_-_Mesi_Vechi.djvu/43&oldid=69184"