El xe sta primo lu, salta su Piero,
A dirme ladro e che lo go imbrogià —
Chi mi go dito ladro? Se xe vero
Che sia 'na spia, che mora fulminà !
No so miga imbriago, so sinçiero... —
Oh torneu a tacarve adesso qua? —
Ah se la xe cussì, ciò 'l ga rason!
Digo, zovene, un dopio de quel bon. —
Ah che no bevo! — El diga, Nane, 'mpare!
Se go sbalgià, mi scusa ghe domando....
Gegia, da brava... brava su, comare...
Cossa fali quei goti là de bando!
Le volte che barufo le xe ciare;
Ma bevendo, la sa, de quando in quando....
Onde?.... cussì me piase, eviva pute!
Ampare, siora Gegia, a la salute!
