Pagina:Ultima volontà de sior Tonin Bonagrazia.djvu/3

INTRODUZION^[1]

Ultima volontà o sia testardo Testamento de mì Tonin Bona Grazia del fu Ilustris.° e Colendis.° Corolario mio sior Pare, e de la fu Pisana Marchesa ilustr. Fondachio, Nobile de Torcelo discendente de la quinta fiancada, Conte senza Contea, Marchese (per parte de mia siora Mare), possidente de l'aria e del fumo de tuto Torcelo, e in altri siti, che no se pol trovar. San de mente, pien de vita quanta che ghe ne pol aver un morto, a la presenza del Nodaro Asdrubale, e dei soliti Testimoni, dispono dar e aver, e quel che resta a tuti, co tute le mie facoltà drete e roverse.

^[2]Turbine memoranda averzighe palpitatio in corda, et ingrespamini donatione meorum sicut a tombolonem facientis.

1. Questa introduzione in prosa fa conoscere la maniera con cui ragionava il Bonagrazia.
2. Tutti i latini spropositati che qui si leggono sono imitazioni di quelli che il suddetto usava nel corso de' suoi racconti.