Pagina:Ultima volontà de sior Tonin Bonagrazia.djvu/26

Da Wikisource
Sta pagina la xe stà trascrita, ma la gà ancora da vegner rileta.
34.

Quela Macchina che in China
Se ritrova sempre ardente,
Ghe la dono al mio Barbier,
4Perchè 'l serva la so zente,

Come metodo sicuro
De far presto a destrigarli,
Perche tanto ben la rada,
8Che n'ocore più sbarbarli.

Ma el prodoto sicurissimo
Che da quela el va a cavar,
Ch'el lo meta in t'un deposito.
12Onde el gabia da pagar

Tute quante le sanguele,
E i purganti ch'el torà,
In quel tempo de so vita
16Ch'a sto mondo el resterà.

35.

Al Forner ghe lasso el Forno
Per brusar i creditori,
De famegia, tuti quanti
4Per cavarli dai dolori,

El prodoto po ch'el cava
Da la cenere ch'el fa,
Ch'el lo lassa per le spese,
8Se per sorte el va picà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Ultima_volontà_de_sior_Tonin_Bonagrazia.djvu/26&oldid=65424"