Pagina:Ultima volontà de sior Tonin Bonagrazia.djvu/22

Da Wikisource
Sta pagina la xe stà trascrita, ma la gà ancora da vegner rileta.


Tuto per elo sia
In piena libertà,
Perchè so sta contento
8De quel ch'el m'à insegnà.
 
De più ghe dono el Toro
(El Toro de famegia),
El fumo dei profumi
12Che ghe xe stà a Povegia,

I Mazori, le Foleghe
Che passa per le Vale,
Col pato ch'el li porta
16In vita su le spale.

27.

Ghe sia dà una volta tanto
Al mio bon Guardaporton,
Trenta Fassi de sorbeto,
4E una Corba de carbon.

E questi prentamente
A elo ghe sia dà,
In premio de quel fredo
8Che in casa el ga provà.

Perchè el se brusa presto
Senza la ricevuta,
Se no po scorteghelo
12S'al caso el se rifiuta.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Ultima_volontà_de_sior_Tonin_Bonagrazia.djvu/22&oldid=65420"