CANZONETISTA.
Canzonetista, tuta ravivada
Dai colori de l'abito e del viso,
Che te canti col tuo più bel soriso,
Movendote graziosa e indiavolada,
Te vedo, dopo, a zena, in un canton,
Con un viso de dona sconsolada,
Star a veder se un omo in un'ociada1
Te ofri un'ora... de consolazion.
Gnente! No va. Te par 'na dona seria
Col viso scuro soto la veleta...
Gnente. Nissun. Te va sola soleta...
E drio2 i te disi qualche cativeria.
